Իռլանդիան արտաքսումից առաջ ռուս դիվանագետների անվտանգությունը կգնահատի, հաղորդում է PRESS ASSOCIATION-ը:
Վարչապետ Լեո Վարադկարը հաստատել է, որ «անհատական գործողություններ» կձեռնարկվեն կասկածելի գործակալների դեմ, եւ որոշումը կարող է ընդունվել արդեն հաջորդ շաբաթ: «Անվտանգության գնահատում կանցկացվի: Ես դա քննարկել եմ արտգործնախարարի հետ: Առաջիկա օրերին մենք որոշում կկայացնենք», - ասել է նա: Նրա խոսքով՝ ԵՄ որոշ երկրներ կարտաքսեն ռուս դիվանագետներին կամ հետ կկանչեն իրենց դեսպաններին:
Ավելի վաղ ԵՄ ղեկավարները համաձայնել էին բրիտանական կառավարության գնահատականին ռուսական նախկին լրտես Սերգեյ Սկրիպալի թունավորման գործով ՌԴ-ի հնարավոր պատասխանատվության եւ մեկ այլ ճշմարտանման բացատրության բացակայության մասին:
