Ֆորմուլա 1-ի եռակի չեմպիոն Ջեք Բրեբեմի որդուն՝ Դեւիդին պատկանող Brabham Automotive ընկերությունը, տեսանյութով ներկայացրել է իր առաջին մոդելը: Դա նորույթի հոլովակն է, որի հանրային շնորհանդեսը նախատեսված է այս տարվա մայիսի 2-ին, հաղորդում է Motor-ը:
Տվյալ պահին մոդելի մասին որեւէ տեղեկատվություն չկա: Հայտնի է միայն, որ նրա անունը կազմված է BT նախածանցից՝ ի պատիվ Ջեք Բրեբեմի եւ Ռոն Տորանակի եւ 62 թվի` ապրանքանիշի գծի շարքային համարի:
Autocar-ի տվյալներով՝ դա կլինի ճանապարհային հիպերքար՝ հագեցած V-աձեւ «ութնյակով»: BT62-ի մոտակա մրցակիցը, ըստ հրապարակման, կլինի McLaren Senna- ն: