Իսպանիայի Բարսելոն քաղաքում անկարգությունների ժամանակ տուժել է 27 մարդ, հաղորդում է El Mundo-ն։ Պարբերականի տվյալներով, իսպանական դատարանի որոշման դեմ է դուրս եկել 10 հազար մարդ։
«Ցուցարարները շշեր են նետել եւ ծխի պայթագլանիկներ այրել»,-նշված է հաղորդագրության մեջ։
Ավելի վաղ հայտնի էր դարձել, որ Իսպանիայի Գերագույն դատարանը Իսպանիայից հեռացած Կատալոնիայի կատավարության նախկին ղեկավար Կարլես Պուչդեմոնին եւ եւս 4 քաղաքական գործիչներին ձերբակալելու եվրոպական օրդեր է արձակել։ Գործը կապված է հոկտեմբերին Կատալոնիայում իրականացված հանրաքվեի հետ։ Պուչդեմոնը գտնվում է Բրյուսելում եւ չի կարող վերադառնալ Իսպանիա, քանի որ նրան անմիջապես կձերբակալեն։
Ավելի վաղ եւս Գերագույն դատարանը Պուչդեմոնի ձերբակալության միջազգային օրդեր էր արձակել, սակայն 2017 թվականի դեկտեմբերին այն հետ էր կանչել։