Viber Media S.a.r.I. ընկերությունը, որին է պատկանում համանուն մեսենջերը, պատրաստ է համագործակցել տարբեր երկրների իշխանությունների հետ, սակայն հաղորդագրությունների գաղտնազերծման բանալիները նրանց չի տրամադրի։ Այս մասին ՌԲԿ-ին հայտարարել է ընկերության օպերացիոն տնօրեն Մայքլ Շմիլովը։
Ընկերությունը հրաժարվել է կատարել պահանջը, որի չկատարումը անվտանգության սպառնալիք է դարձել մեկ այլ մեսենջերի՝ Telegram-ի համար։ Հիշեցնենք, որ մարտի 20-ին «Ռոսկոմնադզոր»-ը Պավել Դուրովի Telegram Messenger LLP ընկերությանը պարտավորեցրել է 15 օրվա ընթացքում Անվտանգության դաշնային ծառայությանը ներկայացնել օգտատերերի հաղորդագրությունների գաղտնազերծման բանալիները, հակառակ դեպքում ընկերությունը կարող է արգելափակել։