Սասնա ծռեր» խմբի 11 անդամների առանձնացված մասով գործով, որը քննվում էր Արթուր Օհանյանի նախագահությամբ, նոր դատավոր է նշանակվել:
NEWS.am-ը Դատական տեղեկատվական համակարգից տեղեկացավ, որ գործը նախօրեին մակագրվել է Արշակ Վարդանյանին: Նշենք, որ Վարդանյանը Երեւանի քաղաքի ընդհանուր իրավասության դատարանի Կենտրոն եւ Նորք Մարաշ նստավայրի դատավորներից է, նախկին դատավոր Ժորա Վարդանյանի որդին:
Նշենք, որ Արթուր Օհանյանը քննում էր «Սասնա ծռեր» խմբի անդամներ Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորգ Իրիցյանի, Թորոս Թորոսյանի առանձնացված մասով գործը։
Մարտի 14-ին, սակայն, Արթուր Օհանյանի լիազորությունները դադարեցվել են՝ այմանավորված առողջական խնդիրներով: