Հայաստան ներթափանցող տաք օդային հոսանքները բախվում են Սեւ ծովի վրա առկա ցուրտ օդային հոսանքների հետ։ Այս երեւույթի արդյունքում ձեւավորվող հզոր ճակատային գոտու հետեւանքով մինչեւ մարտի 25-ի կեսօր հանրապետության տարածքում սպասվում են վտանգավոր ուժգնության քամիներ։
Շիրակում, Լոռիում, Տավուշում, Գեղարքունիքում, Սյունիքում եւ Արցախում քամու պոռթկումները կարող են հասնել 30-35մ/վրկ, Կոտայքում, Արմավիրում, Արագածոտնում, Արարատում, Վայոց Ձորում եւ Երեւանում քամու պոռթկումները կարող են հասնել 20-25մ/վրկ, որի արդյունքում հնարավոր է կոտրվեն ծառեր կամ ծառի ճյուղեր, պոկվեն տանիքներ կամ տանիքների առանձին հատվածներ, ընկնեն գովազդային վահանակներ, էլեկտրոհաղորդման գծեր եւ այլ առարկաներ։
Պայմանավորված նման վտանգավոր օդերեւութաբանական իրադրությամբ ազգաբնակչությանը եւ տնտեսվարող սուբյեկտներին կոչ են արել ցուցաբերել հնարավորինս զգոնություն։
Մարտի 25-ին շրջանների զգալի մասում սպասվում է կարճատեւ անձրեւ եւ ամպրոպ: Օդի ջերմաստիճանը 25-ի ցերեկը կնվազի 4-5 աստիճանով։
«Հայպետհիդրոմետ»-ի տեղեկացմամբ՝ Երեւանում մարտի 25-ին սպասվում է կարճատեւ անձրեւ եւ ամպրոպ: Մայրաքաղաքում գիշերը կդիտվի +13+15, ցերեկը՝ +20+22 աստիճան տաքություն:
Ջերմաստիճանը մարզերում՝
Շիրակում՝ գիշերը` +6+10, ցերեկը` +11+15,
Կոտայքի լեռներում՝ գիշերը` +6+10, ցերեկը` +11+15,
Կոտայքի նախալեռներում՝ գիշերը` +9+12, ցերեկը` +19+21,
Գեղարքունիքում՝ գիշերը` +6+10, ցերեկը` +11+15,
Լոռիում՝ գիշերը` +7+12, ցերեկը` +16+21,
Տավուշում՝ գիշերը` +10+15, ցերեկը` +18+23,
Արագածոտնի լեռներում՝ գիշերը` +6+10, ցերեկը` +11+15,
Արագածոտնի նախալեռներում՝ գիշերը` +13+15, ցերեկը` +19+22,
Արարատում՝ գիշերը`+13+15, ցերեկը` +21+23,
Արմավիրում՝ գիշերը` +13+15, ցերեկը` +21+23,
Վայոց ձորի լեռներում՝ գիշերը` +6+10, ցերեկը` +11+15,
Վայոց ձորի նախալեռներում՝ գիշերը` +13+15, ցերեկը` +21+23,
Սյունիքի հովիտներում՝ գիշերը` +15+20, ցերեկը` +25+28,
Սյունիքի նախալեռներում՝ գիշերը` +7+12, ցերեկը` +17+22,
Արցախում՝ գիշերը` +10+15, ցերեկը՝ +20+25: