ԱՄՆ նախկին նախագահ Ջիմի Քարտերը CBS-ին տված հարցազրույցում հայտարարել է, որ կցանկանար օգնել ներկայիս ամերիկյան առաջնորդ Դոնալդ Թրամփին Հյուսիսային Կորեայի հետ բանակցություններում։
«Ես հասկանում եմ, ինչ են նրանք ուզում եւ ինչ հույսեր ունեն։ Նույնիսկ այս շաբաթ ինձ մոտ էր եկել Սպիտակ տան ներկայացուցիչը, որն ինձ հայտնեց Հյուսիսային Կորեայի հետ հարբերությունների վերջին տվյալները»,-ասել է Քարտերը։
Նա նշել է, որ իր ամբողջ քաղաքական կարիերայի ընթացքում, ընդհանուր առմամբ, Հյուսիսային Կորեայի ղեկավարության հետ շփվել է 20 ժամ»։
ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի հանդիպման պատրաստակամության մասին հայտնի է դարձել մարտի 9-ին։ Պատմական առաջին հանդիպումը նախատեսված է անցկացնել Ստոկհոլմում մայիսի վերջին։