Ռուսաստանի նախագահի մամուլի քարտուղար Դմիտրի Պեսկովը տեղեկություն չունի, թե արդյոք նախատեսվում են լուրջ փոփոխություններ պետության ղեկավարի վարչակազմում եւ կառավարությունում։ Այս մասին նա հայտնել է «Միր» հեռուստաալիքին տված հարցազրույցում։
«Նախագահն ունի իր հստակ ծրագիրը, որի մասին հայտնել է Դաշնային ժողովի ուղերձում։ Հիմա այն կհստակեցվի եւ իրավաբանական ձեւակերպում կստանա»,-նշել է Պեսկովը։ Նրա խոսքով, հիմա ընթանում է «ճանապարհային քարտեզի» մշակման գործընթացը։
Նշենք, որ մարտի 19-ին Պուտինը հայտարարել էր երդմնակալությունից հետո կառավարության կազմը փոփոխելու մասին՝ հավելելով, որ «առարկայորեն» մտածում է կառավարության ղեկավարի թեկնածության շուրջ։