Պապուա Նոր Գվինեայի ափերի մոտ շաբաթ օրը 6,8 մագնիտուդով երկրաշարժ է տեղի ունեցել, հաղորդում է ԱՄՆ երկրաբանական ծառայությունը (USGS)։
Ստորգետնյա ցնցումները գրանցվել են շաբաթ օրը՝ տեղական ժամանակով 21,23-ին։ Էպիկենտրոնը գտնվել է Նոր Բրիտանիա կղզուց մեկ կիլոմետր հարավ-արեւելք եւ կղզու վրա տեղակայված Կիմբե քաղաքից 151 կիլոմետր արեւելք։ Օջախն ունեցել է 60 կիլոմետր խորություն։
Զոհերի կամ ավերածությունների մասին տեղեկություններ չկան։