Երեւանում տեղի ունեցած ռուս եւ հայ խորհրդարանականների համատեղ նիստի ընթացքում տարբեր հարցեր են քննարկվել, այդ թվում՝ նաեւ 2 կողմի համար էլ բավականին ցավոտ: Այս մասին մարտի 26-ին ԱԺ-ում կայացած մամուլի ասուլիսում ասաց ՌԴ Պետական դումայի ԱՊՀ եւ հայրենակիցների հետ կապերի հարցերով կոմիտեի առաջին փոխնախագահ Կոնստանտին Զատուլինը:
Նրա խոսքով՝ մասնավորապես քննարկվել են Լեռնային Ղարաբաղի հակամարտության կարգավորման եւ Ադրբեջանին ռուսական զենքի վաճառքի հարցերը: «Մենք իսկապես մտահոգություն ենք հայտնում ղարաբաղյան հակամարտության գոտում ստեղծված ստաուս քվոն խախտելու, բանակցային ցանկացած գործընթաց փակուղի մտցնելու փորձերի, վախեցնելու, ուժի կիրառման սպառնալիքների եւ այլնի հետ կապված»,- հավաստիացրեց ռոս պատգամավորը:
Ըստ որում, ինչպես նշեց Զատուլինը, այս հակամարտությունը այլ լուծում չունի, բացի խաղաղ կարգավորումը: Միեւնույն ժամանակ, Կրեմլում մտահոգված են, որպեսզի Բաքուն չանցնի խնդրի ուժային կարգավորման: Պատգամավորն ընդգծեց, որ ռուսական կողմը շահագրգռված է միջազգային նշանակություն ունեցող ղարաբաղյան հակամարտության բացառապես խաղաղ կարգավորմամբ: «Ես նաեւ կցանկանայի հաստատել, որ Ռուսաստանի Դաշնությունը մտադիր է կատարել Հայաստանի առջեւ ստանձնած պաշտպանության եւ անվտանգության ոլորտներում իր դաշնակցային պարտավորությունները: Հայաստանին ուղղված ցանկացած սպառնալիք Ռուսաստանը կընկալի որպես իրեն ուղղված սպառնալիք»,- եզրափակեց Կոնստանտին Զատուլինը:
