Ռուսաստանի Դաշնության արտակարգ իրավիճակների նախարարության նախնական պաշտոնական տվյալներով՝ Կեմերովոյում հրդեհի զոհերի թվում ՀՀ քաղաքացիներ կամ ազգությամբ հայեր չկան: Այս մասին NEWS.am-ի թղթակցի հետ զրույցում հայտնեց Հայաստանի ԱԳՆ մամուլի քարտուղար Տիգրան Բալայանը:
Կեմերովոյում «Զիմնյայա վիշնյա» 4 հարկանի առեւտրի կենտրոնում հրդեհը բռնկվել էր կիրակի օրը: Հրդեհի օջախը գտնվում էր վերեւի հարկում, որտեղ մի քանի կինոդահլիճ եւ մանկական խաղային գոտիներ կային: Վերջին տեղեկատվության համաձայն՝ հրդեհի հետեւանքով 64 մարդ է մահացել:
