Հայաստանի խորհրդարանում Ռուսաստանի Դաշնության Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի կոմիտեի եւ Հայաստանի Հանրապետության Ազգային ժողովի արտաքին հարաբերությունների մշտական հանձնաժողովի միջեւ երկու համատեղ աշխատանքային նիստի ընթացքում մի շարք հարցեր են քննարկվել: Մարտի 26-ին ՀՀ ԱԺ-ում ռուսաստանյան պատվիրակության ղեկավար Կոնստանտին Զատուլինի հետ համատեղ մամուլի ասուլիսի ժամանակ այս մասին հայտարարեց ՀՀ ԱԺ արտաքին հարաբերությունների հանձնաժողովի նախագահ Արմեն Աշոտյանը:
Ըստ նրա՝ հայ եւ ռուս խորհրդարանականների միջեւ համագործակցությունը շարունակում է բավականին արդյունավետ լինել: «Մենք քննարկել ենք բազմաթիվ հարցեր՝ ինչպես երկկողմ համագործակցության, այնպես էլ միջպետական եւ միջազգային հարցեր գլոբալ համատեքստում», - ասաց Արմեն Աշոտյանը: Ընդ որում, նա ընդգծեց, որ քննարկվել են քաղաքացիական հասարակության, փորձագիտական հանրության ավելի լայն ներգրավման հարցերը՝ մշակութային համագործակցության, Ռուսաստանի հայ համայնքի ավելի մեծ ներգրավվածության, ինչպես նաեւ այդ հարցերում Գրիբոյեդովի ժառանգության ներգրավման առումով:
Բացի այդ, ինչպես նշեց Աշոտյանը, համատեղ հանդիպման ժամանակ համապատասխան գնահատականներ են տրվել ղարաբաղյան հակամարտությանը, դրա կարգավորմանը, ինչպես նաեւ խիստ քննադատության է ենթարկվել ռազմատենչ հռետորաբանությունը, որը բավականին հաճախ հնչել է ԼՂՀ-ի եւ Հայաստանի հարեւան երկրից: