Ռուսաստանը պատասխան միջոցներ կձեռնարկի արեւմտյան երկրների եւ Ուկրաինայի գործողություններին, որոնք «Սկրիպոլի գործի» հետ կապված հայտարարել են ռուս դիվանագետների եւ դեսպանատան աշխատակիցների արտաքսման մասին: Այդ մասին, ինչպես հաղորդում է ՏԱՍՍ-ը, հայտարարել են Կրեմլում: Հետագա քայլերի մշակումը հանձնաարվել է ԱԳՆ-ին:
Կրեմլի պաշտոնական արձագանքը արտահայտվել է նախագահի մամոլի քարտուղար Դմիտրի Պեսկովի կողմից: Նախագահի ներկայացուցիչը շեշտել է, որ Ռուսաստանը ափսոսում է Արեւմտյան երկրների կողմից ընդունված որոշման մասին: Պատասխանը հայելային կլինի: «Որպես պատճառ, ներկայացվում է այսպես կոչված «Սկիպալի գործը»: Մենք արդեն հայտարարել ենք եւ կրկին կրկնում ենք. Ռուսաստանն այս գործի հետ ոչ մի կապ չի ունեցել եւ չունի: Իհարկե, ինչպես նախկինում, մենք առաջնորդվելու ենք փոխադարձության սկզբունքով », - ասել է Պեսկովը:
Պեսկովը նշել է, որ առաջիկայում ԱԳՆ-ում կանցկացվի ԱՄՆ-ի եւ այլ երկրների գործողությունների հնարավոր արձագանքի վերլուծությունը: Արտաքին գործերի նախարարության առաջարկությունները կփոխանցվեն Կրեմլին: «Մենք պետք է վերլուծենք այն իրավիճակը, որը ծագում է մի շարք երկրների կողմից մեր դիվանագետների արտաքսման մասին հնչեցված որոշումների հետ կապված: Հիմնական վերլուծությունը կանցկացվի մեր դիվանագիտական վարչությունում: Դրանից հետո նախագահին կներկայացվեն հետագա քայլերի վերաբերյալ առաջարկություններ: Վերջնական որոշումը կկայացնի Ռուսաստանի ղեկավարը », - ասել է նա:
Ռուսաստանի դիվանագետների եւ դիվանագիտական առաքելությունների աշխատակիցների արտաքսման մասին մարտի 26-ին հայտնել են Միացյալ Նահանգները, Կանադան, Ուկրաինան եւ եվրոպական պետութունները, այդ թվում՝ Գերմանիան, Ֆրանսիան, Իտալիան, Չեխիան եւ այլն։ Ամենաշատ դիվանագետների արտաքսել են Վաշինգթոնից, 48 դիվանագետի եւ ՄԱԿ-ի 12 աշխատակիցների։ Սպիտակ տանը նրանց մեղադրել են ռուսաստանյան հետախուզության համար աշխատելու եւ «դիվանագիտական կարգավիճակի չարաշահման» մեջ։ Բացի այդ, Վաշինգթոնի որոշմամբ, փակվել է Սիեթլում ՌԴ հյուպատոսարանը։