Կեմերովոյի բնակիչներից կազմված նախաձեռնող խմբին թույլ են տվել մտնել քաղաքային դիարաններից մեկը՝ «Զիմնյայա վիշնյա» առեւտրի կենտրոնում տեղի ունեցած հրդեհի հետեւանքով զոհերի ճշգրիտ թիվը պարզելու համար: Այս մասին Կեմերովոյում հանրահավաքի ժամանակ հայտարարել է տեղի բնակիչ Իգոր Վոստրիկովը, փոխանցում է «Ինտերֆաքս»-ը: Քաղաքային դիարանները ստուգել քաղաքացիներին առաջարկել է քաղաքապետ Իլյա Սերեդյուկը:
«Մարդկան թույլ են տվել մտնել դիարան, ոչ ոք նրանց չի խանգարում»,- ասել է Վոստրիկովը՝ նախաձեռնող խմբի անդամի հետ հեռախոսով խոսելուց հետո: Մարդկանց, ում հարազատները զոհվել էին առեւտրի կենտրոնում, Վոստրիկովը առաջարկել է զոհվածների իրենց ցուցակը կազմել՝ նրանց ճշգրիտ թիվը անկախ կերպով պարզելու համար:
Առեւտրի կենտրոնում հրդեհի ժամանակ զոհվել են Վոստրիկովի կինը, քույրը եւ նրա երեք զավակները:
Տարերային հանրահավաքը սկսվել է մարտի 27-ին առավոտյան Սովետների հրապարակում գտնվող մարզային ադմինիստրացիայի շենքի մոտ: Մարդիկ հրդեհի մասին հավաստի տեղեկություններ են պահանջում, հաղորդում է «Դոժձ»-ի թղթակիցը: Հավաքվածները պահանջում էին նաեւ, որպեսզի հանրահավաքին ներկա լինի ՌԴ նախագահ Վլադիմիր Պուտինը:
Քաղաքապետ Սերեդյուկը կեմերովցիներին առաջարկեց ստուգել դիարանը եւ կենտրոնի այրված շենք ուսումնասիրել մորգը եւ կենտրոնի ը՝ 64 զոհի մասին պաշտոնական տվյալների հավաստիության մեջ համոզվելու համար: «Եթե դուք չեք հավատում պաշտոնական թվերին, եկեք խումբ հավաքենք եւ գնանք դիարան», - ասաց Սերեդյուկը: Արդյունքում, նրա հետ միասին դիարան գնաց 5 մարդ: