Գերմանիայի ոստիկանության կողմից ձայնագրած հեռախոսազրույցը ցույց տվեց, որ, հնարավոր է,Թուրքիայի նախագահ Ռեջեփ Թայիփ Էրդողանը ինքն է Գերմանիայում Հայոց ցեղասպանության ճանաչման բանաձեւի դեմ բողոքներ կազմակերպելու հրաման տվել: Այս մասին հաղորդում է Ahval News-ը՝ վկայակոչելով գերմանական Der Spiegel ամսագիրը: Գերմանական պարբերականի համաձայն՝ նա կարող էր հրաման տալ իր պատգամավորներից մեկի միջոցով: Արդարություն եւ զարգացում կուսակցության պատգամավոր Մեթին Քուլունն արդեն մեղադրվել է բողոքի ցույցերի կազմակերպման համար:
Ամսագիրը հրապարակել է 2016 թվականի հուլիսի 1-ին տեղի ունեցած հեռախոսազրույցի ձայնագրությունը, երբ բանաձը քննարկվում էր Բունդեսթագում: Զրույցի ընթացքում պատգամավորը ասում է. «Ես սպասում եմ ձեր հրամաններին»: Էրդողանը պատասխանում է, որ կապի մեջ կլինի:
Գերմանիայում ներկայումս հետաքննություն է ընթանում Քուլունքի եւ Թուրքիայի գաղտնի ծառայության միջեւ կապի կապակցությամբ, երբ հայտնի դարձավ, որ պատգամավորը ֆինանսավորել էր Osmanen Germania բռնցքամարտի ակումբը: