Արցախի Հանրապետությունում այսօր՝ մարտի 29-ին, ականի պայթյունի հետեւանքով զոհվածներն ու տուժածներն արցախցիներ են: Այս մասին NEWS.am-ին հայտնեցին բրիտանական HALO Trust կազմակերպությունից:
«Տղամարդկանց խումբն է եղել»,- ասացին կազմակերպությունից՝ հավելելով, որ դեպքը տեղի է ունեցել Մարտակերտի շրջանի Ղազանչի տեղանքում. «Հակատանկային ականի պայթյունի հետևանքով մահացել են կազմակերպության երեք աշխատակիցներ, իսկ երկուսը՝ վիրավորվել։ Նշված ժամանակահատվածում կազմակերպության աշխատակիցները գտնվում էին մեքենայում՝ իրականացնելով զննման աշխատանքներ»,-նշեցին կազմակերպությունում:
Նշենք, որ 2 տուժածներն եւ 3 զոհերն ականազերծմամբ զբաղվող «HALO Trust» կազմակերպության աշխատակիցներ են: Վիրավորներից մեկի վիճակը ծանր է գնահատվում, նրան այժմ վիրահատում են:
Պաշտոնապես դեպքի վերաբերյալ որեւէ բան չի հաղորդվում: Արցախի ոստիկանության լրատվական ծառայությունից մեզ հորդորեցին սպասել պաշտոնական տեղեկատվության, իսկ պաշտպանության բանակի մամուլի խոսնակ Սենոր Հասրաթյանն էլ հայտնեց, որ կատարվածը բանակի հետ որեւէ կապ չունի:
Արտակարգ դեպք Արցախում. ականի պայթյունի հետեւանքով կան զոհեր եւ վիրավորները
Արցախում ականի պայթյունից տուժածներից մեկի վիճակը ծանր է. նրան այս պահին վիրահատում են
Արցախում ականազերծման աշխատանքների ժամանակ HALO Trust-ի աշխատակիցներ են զոհվել. 3 զոհ, 2 վիրավոր
Արցախում ականի պայթյունից տուժածներից մեկի վիճակը ծանր է. նրան այս պահին վիրահատում են