Ռուսաստանը Մոսկվայում ԱՄՆ դեսպանատան 58 աշխատակիցներին եւ Եկատերինբուրգում ԱՄՆ հյուպատոսության երկու աշխատակիցներին «դիվանագիտական կարգավիճակին անհամատեղելի գործունեության համար» պերսոնան նոն գրատա է հայտարարել: Նրանք պետք է մինչեւ 2018 թվականի ապրիլի 5-ը լքեն Ռուսաստանի տարածքը:
ՌԴ ԱԳՆ-ն հաղորդում է, որ մարտի 29-ին ՌԴ-ում ԱՄՆ արտակարգ եւ լիազոր դեսպան Ջոն Հանթսմանը հրավիրվել է ՌԴ ԱԳՆ, որին փոխնախարար Սերգեյ Ռյաբկովը հանձնել է բողոքի նոտա ԱՄՆ իշխանությունների անհիմն եւ վրդովեցուցիչ պահանջների կապակցությամբ, թե 60 ռուս դիվանագետները պետք է լքեն Միացյալ Նահանգներ տարածքը, եւ Սիեթլում ՌԴ Հյուպատոսություն փակման մասին, ինչպես նաեւ դրա տարածքները գրավելու ԱՄՆ իշխանությունների մտադրության մասին, որին նախորդել էր 2016-2017 թվականներին ՌԴ պետական գույքի հինգ այլ օբյեկտների զավթումը:
Բացի այդ հետ է կանչվել նաեւ Սանկտ Պետերբուրգում գլխավոր հյուպատոսության գործունենության թույլտվությունը:
Հանթսմանից նաեւ բացատրություններ են պահանջվել Միացյալ Նահանգներում ռուսական պետական գույքի կալանավորման հնարավորության մասին իր հրապարակային հայտարարությունների առիթով: Ամերիկյան կողմին զգուշացվել է, որ նման սպառնալիքի իրականացումը կհանգեցնի հարաբերությունների լուրջ հետընթացին, ինչը հղի է համաշխարհային կայունության համար ծանր հետեւանքներով:
Բացի այդ, դեսպանին հաղորդվել է , որ ԱՄՆ-ում ռուսական դիվանագիտական եւ հյուպատոսական հիմնարկների դեմ թշնամական գործողությունների շարունակման դեպքում, լրացուցիչ միջոցներ կձեռնարկվեն դեսպանատան աշխատակիցների եւ օբյեկտների եւ ՌԴ-ում ԱՄՆ գլխավոր հյուպատոսության դեմ: