RT հեռուստաալիքը ապրիլի 1-ից կդադարեցնի հեռարձակումը Վաշինգտոնում: Այս մասին հաղորդում է «Գազետա»-ն՝ վկայակոչելով Bloomberg-ը:
Գործակալության տվյալներով՝ հեռարձակման դադարեցումը կապված է WNVT եւ WNVC հեռուստակայանների աշխատանքի դադարեցման հետ: Նրանք ապահովում էին ավելի քան 10 հեռուստաալիքի, այդ թվում նաեւ RT-ի հեռարձակումը ԱՄՆ մայրաքաղաքի տարածքում:
Հեռուստաալիքի գլխավոր խմբագիր Մարգարիտա Սիմոնյանը մեկնաբանել է Վաշինգտոնում RT-i հեռարձակման դադարեցումը, հաղորդվում է հեռուստաալիքի կայքէջում: «Մեզ դուրս են շպրտել հեռարձակման ցանցից Վաշինգտոնում: Նվիրվում է բոլոր նրանց, ով ջերմեռանդորեն եւ անկեղծորեն հորդորում էր մեզ, որ օտարերկրյա գործակալի պիտակը ոչ մի կերպ չի ազդի RT-ի աշխատանքի վրա»,- ասաց Սիմոնյանը:Ընդ որում, ըստ նրա, RT-ն կշարունակի հեռարձակումը Վաշինգտոնում այլ հարթակներում:
