Շաբաթ Լոնդոնում Ռուսաստանի դեսպանատունը Մեծ Բրիտանիայի արտգործնախարարությանը նոտա է հղել, որում այսպես կոչված Սկրիպալների գործով հարցերի ցանկ է ներկայացրել: Այս մասին ՏԱՍՍ-ի հաղորդմամբ՝ հայտնել է Ռուսաստանի ԱԳՆ-ն:
«Մարտի 31-ին Լոնդոնում Ռուսաստանի Դաշնության դեսպանատունը Բրիտանիայի ԱԳՆ-ին նոտա է ուղարկել բրիտանական կողմին ուղղված հարցերի ցանկով ՌԴ-ի դեմ մոգոնած «Սկրիպալների գործի» վերաբերյալ»,-նշվում է հաղորդագրության մեջ: Ընդհանուր առմամբ ցուցակում ընդգրկված է 14 հարց, դրանք տեղադրված են Ռուսաստանի ԱԳՆ կայքում:
Մոսկվան խնդրում է Լոնդոնին պատասխանել, թե արդյոք մարտական թունավոր նյութի փորձանմուշները կամ համանման նյութերը ստեղծվել են Բրիտանիայում: Ռուսական կողմը նաեւ պահանջում է Լոնդոնից պատասխանել, թե ինչ հիմնավորումներով է Ֆրանսիան ներգրավված է Սոլսբերիում տեղի ունեցած միջադեպի հետաքննությանը:
1. Ինչու՞ են ՌԴ-ին մերժել բրիտանական տարածքում տուժած երկու ռուսաստանցի քաղաքացիների նկատմամբ հյուպատոսկան հասանելիության իրավունքի հարցում
2.Ի՞նչ կոնկրետ հակաթույներ եւ ինչ կերպ են ներարկվել հիվանդներին: Ինչպե՞ս են նման հակաթույները եղել դեպքի վայրում գտնվող բրիտանացի բժիշկների մոտ
3. Ի՞նչ հիմնավորումներով է Ֆրանսիան ներգրավված ռուսաստանցի քաղաքացիների մասնակցությամբ միջադեպի հետաքննության տեխնիկական համագործակցությանը
4. Արդյոք Բրիտանիան տեղեկացրե՞լ է ՔԶԱԿ-ին Սոլսբերիում տեղի ունեցած միջադեպի հետաքննությանը Ֆրանսիայի մասնակցության մասին
5. Ի՞նչ կապ ունի Ֆրանսիան Մեծ Բրիտանիայի տարածքում ՌԴ երկու քաղաքացիների հետ տեղի ունեցած միջադեպի հետ:
6. Մեծ Բրիտանիայի դատավարական օրենսդրության ո՞ր նորմերն են թույլ տալիս օտար պետությանը ներգրավել ներքին հետաքննության մեջ:
7. Ի՞նչ ապացույցներ են փոխանցվել Ֆրանսիային ուսումնասիրության եւ սեփական հետաքննության անցկացման համար:
8. Ֆրանսիացի մասնագետները ներկա՞ են եղել Սերգեյ եւ Յուլիա Սկրիպալներից կենսանյութերի հավաքման ժամանակ
9. Արդյոք ֆրանսիացի մասնագետները հետազոտե՞լ են Սերգեյ եւ Յուլիա Սկրիպալների կենսանյութերը եւ կոնկրետ ո՞ր լաբորատորիաներում:
10. Բրիտանիայի տնօրինության տակ կա՞ն Ֆրանսիայի կատարած ուսումնասիրության արդյունքները
11. Ֆրանսիայի կատարած ուսումնասիրության արդյունքները փոխանցվե՞լ են ՔԶԱԿ-ի տեպնիկական քարտուղարությանը
12. Ի՞նչ հատկանիշների հիման վրա է հաստատվել Սոլսբերիում կիրառված նյութի իբրեւ թե «ռուսական ծագումը»:
13. Արդյոք Բրիտանիան ունի՞ մարտական թունավոր նյութի ստուգողական փորձանմուշները, որը բրիտանական ներկայացուցիչները «Նովիչոկ» են անվանում:
14. Արդյոք «Նովիչոկ» (բրիտանական տերմինաբանությամբ) մարտական թունավոր նյութի փորձանմուշները կամ համանման նյութերը ստեղծվե՞լ են Բրիտանիայում: