Անկարայում ՌԴ դեսպան Անդրեյ Կառլովի սպանության գործով Անկարայի դատախազությունը ձերբակալման որոշում է կայացրել եւս 8 կասկածյալի նկատմամբ։
Թուրքական Haberturk–ի փոխանցմամբ՝ Անկարայի դատախազությունն արդեն ավարտում է Ռդ դեսպանի սպանության գործով հետաքննությունը եւ մոտ օրերս մեղադրական եզրակացությունը կուղարկի դատարան։
Դատախազությունը Ֆեթուլլահ Գյուլենին հայտարարել է սպանության գլխավոր կազմակերպիչ եւ նրա եւ եւս 7 կասկածյալի նկատմամբ ձերբակալման որոշում է կայացրել։
Նշենք, որ 2016–ի դեկտեմբերի 19-ի երեկոյան Անկարայի ժամանակակից արվեստների կենտրոնում կազմակերպված ցուցահանդեսում ելույթի ժամանակ հարձակման հետեւանքով սպանվել է Անկարայում ՌԴ դեսպան Անդրեյ Կառլովը։ Սպանությունից հետո ոստիկանները սպանել են նաեւ Մեւլութ Մերթ Ալթընթաշին։ Սպանությունն իրականացրած Մեւլութ Մերթ Ալթընթաշը 2,5 տարի աշխատել է Անկարայի ոստիկանությունում։
Սպանության գործով կալանավորված են 7 հոգի, այդ թվում 3 ոստիկան։