Ամերիկյան Tesla ընկերության բաժնետոմսերը 5.1 տոկոսով անկում են ապրել Նյու Յորքի ֆոնդային բորսայում սակարկությունների ժամանակ։ Մեկ օրվա ընթացքում դրանք էժանացել են մինչեւ 252 դոլար՝ արժեթղթի դիմաց, հաղորդում է MarketWatch–ը։
Վերլուծաբանների տվյալներով, դրան է հանգեցրել մի շարք բացասական իրադարձություններ, որոնք վերջին շրջանում տեղի են ունեցել ավտոարտադրողի հետ:
Այսպես, ապրիլի 1–ին ընկերության ղեկավար Իլոն Մասկն անհաջող կատակ էր արել՝ հայտարարելով, որ Tesla–ն սնանկացել է։ Այս կատակը չեն ընկալել ընկերության ներդրողները։
Նշենք, որ ավելի վաղ Tesla–ն ստիպված է եղել հայտարարել իր պատմության մեջ խոշորագույն հետկանչման մասին։ Դրա պատճառը հեղույսների եւ ղեկի ուժեղարարների կոռոզիան է։