Բոստոնի հայ համայնքը նախատեսել է Հայոց ցեղասպանության 103-րդ տարելիցին նվիրված մի շարք միջոցառումներ անցկացնել, հաղորդում է  Armenian Weekly–ն։
Ապրիլի 21-ին Բոստոնի հայկական ժառանգության պուրակում տեղի կունենա միջոցառում, որի ժամանակ ելույթով հանդես կգա Մասաչուսեթսի Կոնգրեսի անդամ Դեյվիդ Մուրադյանը եւ  Armenian Weekly–ի գլխավոր խմբագիր Ռուբեն Ջանբազյանը։ 

Մինչեւ միջոցառումը երիտասարդական հայկական կազմակերպությունների ներկայացուցիչները Բոստոնում Թուրքիայի գլխավոր հյուպատոսության դիմաց բողոքի ցույց կանցկացնեն՝ ի նշան Հայոց ցեղասպանության ժխտման։
 
Նախանշված միջոցառումներից մեկ օր առաջ՝ ապրիլի 20-ին Մասաչուսեթս նահանգի Ներկայացուցիչների պալատում տեղի կունենա Հայոց ցեղասպանության զոհերի հիշատակում եւ ոգեկոչում։