Ուկրաինայի ներքին գործերի նախարար Արսեն Ավակովը Ռուսաստանի նախագահական ընտրություններում քվեարկության խոչընդոտման քրեական գործի ֆիգուրանտ է դարձել, նշվում է երկրի Քննչական կոմիտեի տարածած հաղորդագրության մեջ: Գործը հարուցվել է ՔՕ 141 հոդվածի 2-րդ մասի «գ» կետի համաձայն, որը միչև 5 տարի ազատազրուկմ է նախատեսում, փոխանցում է «ՌԲԿ»-ն:
Քննչական կոմիտեում գտնում են, որ Ավակովը մի խումբ անձանց դավադրության մեջ է մտել եւ Ուկրաինայի ներքին գործերի նախարարության աշխատակիցներին հրամայել է մարտի 18-ին թույլ չտալ ռուսաստանցիների մուտքը Կիեւում, Լվովում, Օդեսայում եւ Խարկովում ռուսական դիվանագիտական հաստատություններում տեղակայված տեղամասեր:
«Ավակովի եւ այլ անձանց հանցավոր գործողությունների արդյունքում կոպտորեն խախտվել են Ռուսաստանի Դաշնության քաղաքացիների՝ Սահմանադրությամբ երաշխավորված օրինական շահերն ու իրավունքները»,- նշվում է հաղորդագրության մեջ: