News
Լրահոս
News
Չորեքշաբթի
Հոկտեմբեր 20
Տեսնել լրահոսը

Սյունիքի մարզի բնակչուհի Հասմիկ Սարգսյանը, ով իր ծանոթից գողացել է 10 հազար դրամ ու դատապարտվել 6,5 տարվա ազատազրկման, բազմիցս փորձել է աշխատանք գտնել՝ փողոցներ մաքրել, հավաքարարությամբ զբաղվել, բայց անգամ դա է մերժվել այն հիմնավորմամբ, որ դու հանցանք ես կատարել, փորձաշրջանում ես գտնվում: Այս մասին, այսօր՝ ապրիլի 3-ին, լրագրողների հետ հանդիպման ժամանակ նշել է փաստաբան Մուշեղ Շուշանյանը:

Նրա խոսքով, քրեական օրենսգրքով նախատեսված իրավակարգավորումների տրամաբանության շրջանակում դիտարկելու դեպքում, Հասմիկ Սարգսյանը մինչ այդ նույն արարքի համար 2015 եւ 2016 թվականներին դատապարտված է եղել. «Նրա նկատմամբ սահմանված պատիժը պայմանականորեն չի կիրառվել եւ սահմանվել է փորձաշրջան, իսկ մենք գիտենք, որ եթե այդ փորձաշրջանի ժամանակ անձը հանցանք է կատարում, պայմանական պատիժ չկիրառելու  որոշումը վերացվում է եւ նոր պատժին գումարվում է նախորդ պատժաչափը:

Բայց ինձ համար զարմանալի էր, որ այդ տեսակետը պնդողներից մեկը փորձ անգամ չէր անում հասկանալու Հասմիկ Սարգսյանի նման քայլի պարբերաբար դիմելու շարժառիթները»,-նշեց փաստաբանը:

Նա նկատեց, որ Հասմիկ Սարգսյանը բազմիցս փորձել է նոր աշխատանք գտնել՝ փողոցներ մաքրել, հավաքարարությամբ զբաղվել, բայց դա էլ է մերժվել այն հիմնավորմամբ, որ դու հանցանք ես կատարել, փորձաշրջանում ես գտնվում. «Նրա երեխաները սովամահության եզրին են հայտնվել ու աշխատանք գտնել նրան չի հաջողվում: Այս դեպքում՝ գողությունը դատապարտելի լինել չի կարող, դա հանցանք դիտարկվել չի կարող:

Բոլոր քաղաքակիրթ երկրներում վաղուց այդ դատական պրակտիկան գործում է: Երբ մարդը գողություն է կատարում եւ պարզվում է, որ գողությունը կատարվել է սոված չլինելու, հացի խնդիր լուծելու նպատակով, դա հանցանք չի համարվում: Քաղաքակիրթ երկրներում մտածում են, որ ամենավատ մարդն անգամ սոված չպետք է լինի: Այստեղ Հասմիկ Սարգսյանի եւ նրա երեխաների գոյատեւման իրավունքը միարժեքորեն գերակայում է սեփականության իրավունքին»,-հայտարարեց Շուշանյանը:

Նրա խոսքով, պատժի նպատակը հստակ գրված է օրենքով, իսկ Հասմիկ Սարգսյանին 6,5 տարի ազատազրկելով պատժի նպատակին հասնելը պարզապես անհնար է, որովհտեւ հասմիկ Սարգսյանը չի կարող ուղղվել:

«Պետությունը որոշակի պարտավորություններ է կրում որոշակի սոցիալապես անապահով մարդկանց համար»,-ընդգծեց նա:

Նշենք, որ Հասմիկ պողոսյանը գողությունը կատարելիս խնամքին ունեցել է 3 անչափահաս երեխա, որդին էլ ծառայում է բանակում:

Ավելի վաղ NEWS.am-ը հայտնել էր, որ Սյունիքի մարզի բնակչուհի Հասմիկ Սարգսյանը 3-րդ անգամ է կատարել նույնատիպ դիտավորյալ ծանր հանցագործություն, որի համար նշանակված պատժին մասնակիորեն գումարվել է նախորդ հանցանքների համար նշանակված պատիժների չկրած մասը, եւ արդեն որպես վերջնական պատիժ է նշանակվել ազատազրկումը՝ 6 տարի 6 ամիս ժամկետով:

Տպել
Կարդացեք նաև
Ամբողջը
Կաքավաձորի խաչմերուկում մարդատար «ԳԱԶԵԼ»-ի 5 մարդու կյանք խլած ողբերգական վթարից տուժածների թիվը 10 է. ԱԻՆ (ֆոտո)
ՃՏՊ-ի հետևանքով կա 5 զոհ և 10 տուժած, որոնցից 7 տուժած հոսպիտալացվել է «Արմենիա» ՀԲԿ: 3 տուժած տեղափոխվել է Աշտարակի ԲԿ, որտեղ վերջինների առողջական վիճակը գնահատվել է բավարար...
Պտղունք համայնքին պատճառվել է 11մլն. դրամի վնաս. գործը դատարանում է
Իրականացված քննչական և դատավարական այլ գործողությունների արդյունքում հիմնավորվել է, որ համայնքի ղեկավարը, տեղյակ լինելով ինքնակամ կառույցների...
Ավելի քան 100 մարդ է զոհվել Հնդկաստանում եւ Նեպալում ավերիչ սողանքների եւ ջրհեղեղների հետեւանքով
Հնդկաստանի հյուսիսում՝ Ուտարակհանդում, վերջին օրերին զոհվել է 46 մարդ, 11 մարդ անհետ կորած է համարվում։ Երկրի հարավում՝ Քերալում, զոհվել է 39 մարդ․․․
Արագածոտնում մարդատար «Գազել»-ը բախվել է բետոնե արգելապատնեշներին, մի քանի պտույտ շրջվել, կա 5 զոհ, 12 վիրավոր
Վիրավորներից մի քանիսին փրկարարներն են քաղաքացիների...
Հայիթիում ամերիկացի եւ կանադացի միսիոներների առեւանգած բանդան 17 մլն դոլարի չափով փրկագին է պահանջում
Ադարադատության նախարար Լիստ Կիտելն ասել է, որ Հետախուզությունների դաշնային բյուրոն եւ Հայիթիի ոստիկանությունը կապ են հաստատել
Նորքի հեռուստաաշտարակի մոտակայքում հրդեհ է բռնկվել, հայտարարվել է բարդության «1 Բիս» կանչ
Դեպքի վայր է մեկնել մարտական 4 հաշվարկ…
Ամենաշատ