Քիմիական զենքի արգելման կազմակերպության հատուկ նիստին Մեծ Բրիտանիան կրկին մերժել է Գլխավոր հետախուզական վարչության նախկին գնդապետ Սերգեյ Սկրիպալի եւ նրա դստեր թունավորման գործի շրջանակում համատեղ հետաքննություն անցկացնելու վերաբերյալ Ռուսաստանի առաջարկը, փոխանցում է Reuters-ը:
«Սա դիվերսիոն մարտավարություն է: Բացի այդ, մեծ թվով ապատեղեկատվության նպատակն այն հարցերից խուսափելն է, որոնց պետք է պատասխանեն ՌԴ իշխանությունները»,- հայտնել է բրիտանական պատվիրակությունը Twitter-ում:
Հիշեցնենք, որ Լոնդոնը մեղադրում է Մոսկվային Սկրիպալների թունավորման համար: Մեծ Բրիտանիան 23 ռուս դիվանագետի էր արտաքսել: Որպես սոլիդարության նշան՝ ռուս դիվանագետներին արտաքսեցին նաեւ ԱՄՆ-ն, Կանադան, Ավստրալիան եւ եվրոպական ավելի քան 20 երկիր: Մոսկվան, որը մերժում է մեղադրանքները եւ հայելային կերպով արձագանքում իր դիվանագետների արտաքսմանը:
