Ըստ Ազգային վիճակագրական ծառայության կայքում հրապարակված տեղեկատվության՝ 2017 թվականին Հայաստանում դատապարտվածների թիվը կազմել է 2410:
Նրանցից 181-ը կանայք են, 96-ն անչափահաս են, որից 4-ը՝ աղջիկ: Դատապարտվածներից 48-ը պաշտոնատար անձինք են, 481-ը՝ զինծառայողներ: Դատապարտյալներից 48-ն օտարերկրացիներ են, 4-ը քաղաքացիություն չունեն:
Ըստ ԱՎԾ տվյալների՝ նախորդ տարի ազատազրկման է դատապարտվել 1410 մարդ, իսկ 859 ամբաստանյալի նկատմամբ էլ նշանակված պատիժը պայմանականորեն չի կիրառվել: Մեղադրյալներից 61-ն արդարացվել է, 50 մարդ անմեղսունակ է ճանաչվել:
