Բրիտանական արտգործնախարարության պաշտոնական ներկայացուցիչը հայտարարել է, որ Սոլսբերիում Սկրիպալի թունավորման համար օգտագործված նյութի ռուսական ծագման վերաբերյալ թվիթերյան գրառումը ջնջվել էր, քանի որ այն չէր արտացոլում Ռուսաստանում Բրիտանիայի դեսպան Լորի Բրիսթոուի խոսքերը, փոխանցում է «ՌԻԱ Նովոստի»-ն:
«Մարտի 22-ին Մոսկվայում Մեծ Բրիտանիայի դեսպանատան ճեպազրույցը հեռարձակվել է իրական ժամանակում @UKinRussia-ի կողմից, այնուհետեւ տարածվել է @foreignoffice-ի միջոցով՝ Սոլսբերիում տեղի ունեցածը հնարավորինս լայն լսարանին բացատրելու համար: Թվիթերից մեկը ջնջվել էր և չէր փոխանցում մեր դեսպանի խոսքը: Մենք ջնջել ենք այդ գրառումը»,- ասել է նախարարության մամուլի քարտուղարը:
