«Մեգաֆոն» բջջային օպերատորը եւ Mail.ru Group-ը ներդրում են կատարում «Սիթիմոբիլ» տաքսի ծառայության մեջ, նշվում է կապի օպերատորի մամուլի հաղորդագրության մեջ:
«Մեգաֆոն»-ի ներդրումը «Սիթիմոբիլ»-ի մեջ մոտ 14 միլիոն դոլար կկազմի, իսկ բաժնեմասը կարող է հասնել 31 տոկոսի: Mail.ru-ն 12 մլն դոլարի է ներդնում եւ նախագծում կստանա 26 տոկոսը: Ընկերությունները մտադիր չեն համախմբել «Սիթիմոբիլ» բաժնետոմսերը: Ներդրումային ռաունդի արդյունքում «Սիթիմոբիլ» ՍՊԸ-ն ընդհանուր առմամբ 35 մլն դոլար է ներգրավել: Թե որ ընկերություններն են, բացի Mail.ru-ից եւ «Մեգաֆոն»-ից, մասնակցել ներդրումային ռաունդին, չի հաղորդվում:
Mail.ru Group-ում տաքսի ծառայության՝ իր այլ ծառայությունների հետ ինտեգրման ներուժ են տեսնում, այդ թվում նաեւ՝ Delivery Club-ի, նշվում է ընկերության մամուլի հաղորդագրությունում: «Մեգաֆոն»-ի գործադիր տնօրեն Գեւորգ Վերմիշյանի խոսքով՝ նոր նախագիծը թույլ կտա ընկերությանը բարձրացնել բաժանորդների վստահությունը եւ ifetime value-ն (ընկերության շահույթը մեկ հաճախորդից համագործակցության ամբողջ ընթացքում), ինչպես նաեւ հավելյալ կերպով դրամայնացնել տվյալների փոխանցման ծառայությունը:
«Սիթիմոբիլ» ՍՊԸ-ն հիմնադրվել է 2009 թվականին: Ընկերության հիմնադիրն է Արամ Առաքելյանը: Ընկերությունը օգտվողներին առաջարկում է ամրագրել ուղեւորությունները բջջային հավելվածի կամ օպերատորի միջոցով: Այժմ ուղեւորությունների ավելի քան 65 տոկոսը ամրագրվում է հավելվածի միջոցով: Ընկերությունը նաեւ gg տաքսի ծառայության բաժնետերերից մեկն է: