Արցախի Մարտակերտի շրջանի Ղազանչի տեղանքում այսօր՝ մարտի 29-ին, հակատանկային ականի պայթյունի հետեւանքով տուժած 43-ամյա Արամ Մկրտչյանին հիվանդանոցից դուրս են գրել: Այս մասին NEWS.am-ի հետ զրույցում ասաց Ստեփանակերտի հանրապետական հիվանդանոցի տնօրեն Արմեն Խաչատուրյանը:
«31-ամյա Գարիկ Ղահիրյանին նորից վիրահատել ենք, վերքերը փակել ենք: Այսօր առաջին օրն է, որ ջերմություն չունի, դրական դինամիկա կա, հույս ունենք, որ գնալով վիճակը կբարելավվի: Այժմ նրա վիճակը գնահատվում է կայուն ծանր»,-ասաց Խաչատուրյանը:
Նշենք, որ 31-ամյա Գարիկ Ղահիրյանն ականապայթյունային վիրավորում է ստացել զույգ ստորին վերջույթների շրջանում, երկու վերջույթներն էլ անդամահատել են:
Նշենք, որ 2 տուժածներն եւ 3 զոհերն ականազերծմամբ զբաղվող «HALO Trust» կազմակերպության աշխատակիցներ են, Արցախի բնակիչներ: Ըստ կազմակերպության տրամադրած տեղեկատվության՝ տղամարդկանց խումբն է եղել: