Christie’s աճուրդի տունը աճուրդի է հանում Դեվիդ եւ Փեգի Ռոքֆելերների արվեստի գործերի, թանկարժեք իրերի, կահույքի եւ սպասքի հայտնի հավաքածուն, հաղորդում է Euronews-ը:
«Ընդհանուր առմամբ վաճառքի է հանվում մինչեւ 1.5 հազար ցուցանմուշ,-բացատրում է ԱՄՆ-ում Christie’s-ի մասնաճյուղի ղեկավար Մարկ Փորթերը: Դրանցից կեսը աճուրդի կհանվի համացանցում: Դրանցից մի քանիսի մեկնարկային գինը 200, 500 կամ 1 հազար դոլար է, իսկ առաջատար ցուցանմուշները կարող են կես միլիարդի հասնել»:
Հավաքածուի մարգարիտների թվում Պաբլո Պիկասոյի «վարդագույն ժամանակահատվածի» աշխատանքներն են, Անրի Մատիսի, Էդուարդ Մանեի եւ Կլոդ Մոնեի, Ժորժ Սերայի, Պոլ Գոգենի եւ այլ նկարիչների աշխատանքները: