Պապուա Նոր Գվինեայի ափերի մոտ 6,2 մագնիտուդով ուժեղ երկրաշարժ է տեղի ունեցել, հաղորդում է Եվրոպական միջերկրածովյան սեյսմոլոգիական կենտրոնը (EMSC)։
Ստորերկրյա ցնցումները գրանցվել են UTC ժամանակով 5.48-ին, Պորգերա քաղաքից 93 կմ դեպի հարավ–արեւմուտք եւ Մենդի քաղաքից 132 կիլոմետր արեւմուտք։
Երկրաշարժի օջախը գտնվել է 8 կմ խորության վրա։ Տուժածների ու ավերածությունների մասին տեղեկություններ չեն ստացվել։ Ցունամիի վտանգ չկա։