Կատալոնիայի կառավարության նախկին ղեկավար Կարլես Պուչդեմոնը, որը ներկայումս գտնվում է Գերմանիայում , նախկինի պես գտնում է, որ իսպանական իշխանությունների հետ «անկեղծ երկխոսությունը» քաղաքական որոշման հասնելու լավագույն միջոցն է։ Այս մասին քաղաքական գործիչը հայտարարել է շաբաթ՝ Բեռլինում կայացած մամուլի ասուլիսի ժամանակ։
«Մենք պետք է երկխոսություն սկսենք, մենք ցանկանում ենք խոսել Իսպանիայի կենտրոնական կառավարության հետ։ Թե որտեղ այն տեղի կունենա՝ լավ հարց է։ Միակ պայմանն այն է, որ երկխոսությունը պետք է տեղի ունենա առանց որեւէ նախպապաշարմունքի»,–նշել է Պուչդեմոնը։
Միաժամանակ, քաղաքական գործիչը հայտնել է, որ Կատալոնիայի անկախությունը միակ պայմանը չէ ճգնաժամից դուրս գալու համար։ Պուչդեմոնը պնդել է, որ կառավարության նորղեկավարի պաշտոնում պետք է առաջադրվի կալանքի տակ գտնվող «Ազգային կատալոնյան ժողով» կազմակերպության առաջնորդը։