Իսրայելի ռազմաօդային ուժերի երկու F-15 կործանիչներ ավիահարված են իրականացրել սիրիական Թիֆոր օդակայանի ուղղությամբ։ Այս մասին նշված է Ռուսաստանի պաշտպանության նախարարության հաղորդագրության մեջ, փոխանցում է Gazeta–ն։
«Ապրիլի 9-ին Մոսկվայի ժամանակով 03.25-ից 03.53–ն ընկած ժամանակահատվածում Իսրայելի ռազմաօդային ուժերի երկու F-15 ինքնաթիռներ, առանց Սիրիայի օդային տարածք մուտք գործելու, Լիբանանի տարածքից ութ կառավարվող հրթիռների միջոցով հարված են հասցրել Թիֆոր օդանավակայանի ուղղությամբ։ Սիրիայի Արաբական Հանրապետության օդուժի հակաօդային պաշտպանության ստորաբաժանումները հակաօդային մարտի արդյունքում ոչնչացրել են 5 կառավարվող հրթիռներ»,–նշված է հաղորդագրության մեջ։
Երեք հրթիռներ, ռուսական զինվորականների տվյալներով, հասել են օդակայանի արեւմտյան հատված։ Եվս 5–ն էլ խոցվել են սիրիական հակաօդային պաշտպանության կողմից։
Ռուս խորհրդականները չեն տուժել։