Ուղեծրային «Հաբլ» աստղադիտակը Դրախտահավի համաստեղության PLCK G308.3-20.2 գալակտիկայի կուտակման մանրամասն լուսանկարներ է կատարել, որը տեսանելի Տիեզերքի ամենախոշոր օբյեկտներից մեկն է, հայտնում է «ՌԻԱ Նովոստի»-ն՝ վկայակոչելով տիեզերական աստղադիտակի կայքը:
Մեզ շրջապատող Տիեզերքի գալակտիկաների մեծ մասը, այդ թվում՝ Հարդագողի ճանապարհը, նյութի ավելի խոշոր խտացումների, գալակտիկաների կուտակումների եւ գերկուտակումների մասն են:
Գիտնականներն ակտիվորեն ուսումնասիրում են գալակտիկաների նման խմբերը: Ինչպես այսօր հույս ունեն աստղագետները, նրանց հետազոտությունները մեզ կօգնեն հասկանալ, թե դրանց կազմավորման եւ կյանքի մեջ ինչ դեր են կատարում ե՛ւ սեւ նյութը, ե՛ւ սեւ էներգիան, ու ինչպես է դրանց կառուցվածքն ու Տիեզերքում տեղադրությունը կապված այն բանի հետ, թե ինչպես է տիեզերքի նյութը տեղաբաշխվել Մեծ Պայթյունից հետո առաջին պահերին:
PLCK G308.3-20.2-ի եւ գալակտիկաների այլ խոշոր կուտակումների շարժման դիտարկումները, ինչպես նշում է «Հաբլի» գիտական խումբը, արդեն աստղագետներին օգնել է գտնել Տիեզերքում 2 ամենախոշոր կառույցները, որոնք ազդում են Հարդագողի ճանապարհի եւ մյուս բոլոր մերձավոր գալակտիկաների շարժման վրա:
Դրանց թվում են մտել, այսպես կոչված, «Մեծ Ատտրակտորը», Abell 3627 գալակտիկաների գերկուտակումը եւ «Մեծ Հետմղողը», դատարկության վիթխարի մարզ, որ տեղադրված է մեր Գալակտիկայի վրա: Այս օբյեկտների ուսումնասիրությունը, այդ թվում՝ նաեւ «Հաբլի» միջոցով, արդեն աստղագետներին օգնել է հասկանալ, թե ինչու է Հարդագողի ճանապարհը մյուս գալակտիկաների համեմատ արտասովոր արագ շարժվում, եւ բացահայտել այս վիթխարի օբյեկտների ձեւավորման պատմության որոշ գաղտնիքներ:
Հիմա «Հաբլը» կատարում է տիեզերքի գալակտիկաների խոշորագույն կուտակումների յուրատեսակ վերագրառում՝ RELICS ծրագրի շրջանակում ստանալով դրանց մանրամասն լուսանկարներ: Գիտնականները հույս ունեն, որ այս տվյալները կօգնեն ստանալ սեւ նյութի առաջին ճշգրիտ գնահատականները եւ հասկանալ, թե Տիեզերքի պատանեկության արշալույսին ինչպես են ավարտվել «սեւ դարերը», երբ այն անթափանց էր տեսանելի լույսի եւ այլ էլեկտրամագնիսական ալիքների համար: