Իրանի միջուկային համաձայնագրի ձախողման դեպքում ԱՄՆ-ն կզղջա դրա համար: Այս մասին հայտարարել է Իրանի նախագահ Հասան Ռոհանին՝ ելույթ ունենալով Միջուկային տեխնոլոգիաների ազգային տոնի տոնակատարությունների ժամանակ, հաղորդում է PressTV- ն:
Նա նշել է, որ Իրանը մտադիր չէ խախտել միջուկային համաձայնագիրը, սակայն եթե ԱՄՆ-ն դուրս գա համաձայնությունից, ապա «նրանք անպայման կզղջան»: «Մեր պատասխանը կլինի ավելի ուժեղ, քան նրանք պատկերացնում են, եւ նրանք դա կտեսնեն մեկ շաբաթվա ընթացքում», - ասել է նա: Ռոհանիի խոսքով՝ Իրանը պատրաստ է իրադարձությունների ցանկացած զարգացմանը, եւ նա բոլոր դեպքերի համար ծրագրեր ունի:
Իրանը ապրիլի 9-ին ներկայացրեց իր վերջին նվաճումները միջուկային էներգիայի ոլորտում, այդ թվում միջուկային մարտկոց եւ նավթարդյունաբերության ցենտրիֆուգներ:
