Ռուսաստանը՝ որպես Մինսկի խմբի համանախագահներից մեկը, առանցքային դեր է խաղում ղարաբաղյան հակամարտության կարգավորման գործում: Այս մասին «ՏԱՍՍ»-ին տվաշ հատուկ հարցազրույցում ասել է ապրիլի 9-ին ՀՀ նախագահի պարտականությունները պաշտոնապես ստանձնած Արմեն Սարգսյանը:
«Ի վերջո, տարածաշրջանային բոլոր հակամարտությունները լուծվում են, դրանք լիովին հաղթահարելի են: Պատմությունը ոչ պակաս դաժդան եւ դրամատիկ հակամարտություններ է տեսել»,- ասել է ՀՀ նախագահը: Ըստ Սարգսյանի՝ Ռուսաստանը՝ որպես Մինսկի խմբի համանախագահներից մեկը, առանցքային դեր է խաղում ղարաբաղյան հակամարտության կարգավորման գործընթացում:
«Հիշեցնեմ, որ 23 տարի առաջ Ղարաբաղում եռակողմ զինադադարւ հաստատվել էր հենց Ռուսաստանի միջնորդության շնորհիվ: Մենք բարձր ենք գնահատում խնդրի խաղաղ քաղաքական լուծման որոնմանն ուղղված այս միջնորդական ջանքերը: Ակնհայտ է, որ խնդրի կարգավորման համար խաղաղության եւ ներդաշնակության հասնելու քաղաքական կամք է անհրաժեշտ: Հայաստանը, իր հերթին, անում է հնարավոր ամեն ինչ խաղաղության հասնելու համար եւ ակնկալում է, որ ադրբեջանական կողմը նույնպես այդպես կվարվի», - ավելացրել է Հայաստանի նախագահը:
