Արեւելյան Իտալիայի Մուչչա քաղաքի մոտակայքում տեղի ունեցած երկրաշարժի հետեւանքով փոքրիկ զանգակատուն է փլվել: Այս մասին տեղեկացնում է «ՏԱՍՍ»-ը՝ վկայակոչելով ANSA գործակալությունը:
Տուժածների եւ այլ ավերածությունների մասին տեղեկություններ չկան: Երկրաբանության եւ հրաբխագիտության ազգային ինստիտուտի տվյալներով՝ երկրաշարժի ուժգնությունը, որի օջախը գտնվել էր 9 կմ խորության վրա, 4.7 մագնիտուդ էր: Էպիկենտրոնը գտնվել է Մուչչա քաղաքից 1.2 կմ դեպի հյուսիս, որտեղ շուրջ 900 մարդ է ապրում:
