ԵՄ ԱԳ նախարարները ապրիլի 16-ին Լյուքսեմբուրգում հանդիպման ժամանակ կրկին կքննարկեն «Սկրիպալի գործը» եւ դիվանագետների փոխադարձ արտաքսումների հետեւանքները: Այս մասին հայտնել է ԵՄ Խորհուրդը: Հանդիպման երկրորդ առանցքային թեման կլինի Սիրիայի իրավիճակը, փոխանցում է ՏԱՍՍ-ը:
«ԱԳ նախարարները կարծիքներ կփոխանակեն Ռուսաստանի վերաբերյալ: Նրանք կքննարկեն Սոլսբերիում հարձակումնից հետո իրադարձությունների վերջին զարգացումը: Նրանք կքննարկեն մարտի 22-23-ին (ԵՄ գագաթնաժողովում) ԵՄ մեջ մտնող եւ չմտնող մի շարք երկրներից ռուսաստանցի դիվանագետների արտաքսման մասին Եվրոպական խորհրդի որոշումից հետո իրավիճակի զարգացումը»,- նշված է փաստաթղթում:
Սիրիայի հարցով նախարարները կքննարկեն այս երկրում հումանիտար եւ քաղաքական իրավիճակը եւ կլսեն ԵՄ ԱԳ ու անվտանգության քաղաքականության գերագույն հանձնակատար Ֆեդերիկա Մոգերինիի զեկույցը Սիրիայի գնության դոնորների համաժողովի նախապատրաստման մասին, որը տեղի կունենա Բրյուսելում ապրիլի 24-25-ը:
