Ապրիլի 11-ին Ադրբեջանում ընթացող նախագահական ընտրությունների քվեարկության ընթացքում ընտրատեղամասերից մեկում լրագրողի են ծեծի ենթարկել:
Ադրբեջանական ԶԼՄ-ների հաղորդմամբ՝ Meydan.tv- ն տարածել է միջադեպի տեսանյութը, որը նկարահանվել էր ականատեսներից մեկի կողմից: Լրագրողը նախ հարցազրույց է վերցնում հանձնաժողովի նախագահից ընտրողների թվի վերաբերյալ. նրա զրուցակիցը նշում է, որ վերջին ժամվա ընթացքում ակտիվությունը մեծացել է, ապա նրանք գնում են այլ սենյակ՝ կոնկրետ թիվը պարզելու համարը: Սակայն այնտեղ գտնվողներնա ասում են, որ հստակ տվյալներ չկան: Դրանից հետո մի տարեց տղամարդ բռնում է լրագրող աղջկա ձեռքը եւ դուրս է շպրտում փողոց: Նրան եւս մի տղամարդ է միանում, ով սկսում է քարշ տալ աղջա մյուս ձեռքից:
Բացի այս դեպքից, սոցցանցերում բազմաթիվ տեսանյութեր են հրապարակվում Ադրբեջանում նախագահական ընտրություններում տեղ գտած կեղծարարությունների մասին, նշում են ԶԼՄ-ները:
