Ռուս-ամերիկյան հակամարտությունը կարող է լուրջ ազդեցություն ունենալ Ռուսաստանի վրա։
Այսօր՝ ապրիլի 11-ին Կովկաս ինստիտուտի տնօրեն Ալեքսանդր Իսկանդարյանը, լրագրողների հետ խոսեց Արեւմուտք-Ռուսաստան հարաբերությունների ինչպես նաեւ տարածաշրջանային անվտանգության հարցի շուրջ։
«Մենք հիմա բավականին սուր ռուս-ամերիկյան հակամարտության ականատեսն ենք, որը լրագրողները անվանում են սառը պատերազմ։ Գուցե այս հարաբերությունները այդպես կոչելը այնքան էլ ճիշտ չէ, սակայն սառը պատերազմը, հարցերի լուծման համար քայլեր չանելն է, իսկ հիմա հենց այդպիսի իրավիճակում են գտնվում ռուս-արեւմտյան հարաբերությունները։ Սկզբնական շրջանում, երբ խոսքը Ուկրաինաին էր վերաբերվում, թվում էր, թե բանակցությունների եզրեր հնարավոր է գտնվեն, սակայն հիմա այլ իրավիճակ է, ու չարժե սպասել, որ առաջիկայում կարող է ինչ որ բան փոխվել»,- ասաց Ալեքսանդր Իսկանդարյանը։
Բանախոսի խոսքով, Ռուսաստանի վրա կիրառվել են սանկցիաներ ու գնալով այդ սանկցիաների թիվն ավելանալու է․
«Չեմ կարող ասել, թե էկոնոմիկայի տեսանկյունից սանկցիաները ինչ ազդեցություն ունեն կամ կունենա Ռուսաստանի վրա, սակայն որոշակի ազդեցություն արդեն նկատվում է, օրինակ ռուբլու արժեզրկումը։ Իսկ քաղաքական տեսանկյունից, ես համենայնդեպս չեմ հիշում այս աստիճան հրապարակային լարվածություն Ռուսաստանի ու Արեւմուտքի միջեւ»,- ասաց Ա․ Իսկանդարյանը։
Այս հակամարտությունների ազդեցությունը Ուկրաինայի վրա մեծ եղել է ու կմնա այդպիսն, Կենտրոնական Ասիայում՝ խոսքը Չինաստանի մասին է, դուրս է այդ ազդեցության դաշտից կամ այդ ազդեցությունը չափազանց քիչ է, ինչ վերաբերվում է Հայաստանին, ապա բանախոսի խոսքով դեռ քաղաքական ինչ որ դժվարություններ չեն նկատվում․
«Հայաստանը կարողանում է համագործակցել հակամարտող երկու կողմերի հետ էլ եւ արդյունքում մնալ չեզոք դիրքում։ Ի վերջո Հայաստանը այն երկիրը չէ, որի համար Ռուսաստանի ու Արեւմուտքի նման երկրները կուզենան հակամարտել, համենայնդեպս այնպես, ինչպես պայքարում էին Ուկրաինայի համար։ Եվ հիմա երկու կողմերն էլ թույլ են տալիս Հայատանին չեզոք լինել։ Էկոնոմիկայի տեսանկյունցի նույնպես առանձնապես ոչ մի ազդեցություն չի նկատվում, իսկ եթե ի վերջո որեւէ ազդեցություն լինի, ապա դա տեղի կունենա չափազանց դանդաղ»,- ասաց Ալեքսանդր Իսկանդարյանը, հավելելով,. «Ընդհանուր առմամբ Ռուսաստանի եւ Արեւմուտքի միջեւ հարաբերությունների լավացում ես չեմ ակնկալում, իսկ ավելի վատացումը սպասելի է»։