Սպիտակ տան վերջին աղետալի թվիթը վկայում է Սիրիայում պատերազմի սրացման նկատելի վտանգի մասին: Այս մասին The Guardian-ում հրապարակված իր հոդվածում գրում է Փիթեր Բիամոնտը:
Ըստ նրա՝ ռազմական գործողությունների սպառնալիքի կամ սկզբի մասին ժամանակակից հայտարարությունները, որպես կանոն, հետեւում են երկերեսանիության սովորական ձեւին:
Հաճախ վերջնագրերից հետո դրանք դառնում են ավելի չափավոր եւ ափսոսանք են պարունակում, քանի որ նույնիսկ «ամենախելահեղ» ղեկավարները ցավալիորեն գիտակցում են, որ հակամարտությունը հանգեցնում է այնպիսի հետեւանքների, որոնք դժվար է վերահսկել:
Սակայն, ինչպես նշում է հեղինակը, պրոպագանդայի լեզուն հաճախ ներկայացնում է առաջնորդի անձը եւ նրա ռեժիմը: Այսպես, Թրամփի բառապաշարի զինանոցը երեւում է Twitter-ի գրառումներում եւ ներկայացնում է ինքնասիրահարված մարդու կերպար, որը երկխոսության մեջ է ոչ թե ԱՄՆ-ի կամ միջազգային հանրութւյան, այլ կաբելային հեռուստատեսության հետ»:
Հեղինակը նշում է, որ Թրամփի այսօրվա թվիթի վտանգը, որում նա ՌԴ-ին կոչ էր արել պատրաստվել հրթիռների արձակմանը, ոչ միայն նախագահի դպրոցական լեզվամտածողության, այլեւ անփութության եւ մանրամասների բացակայության մեջ է:
Նա նշում է, որ դիվանագաիտական լեզվում կարեւոր է այն, թե ինչ եւ ինչ կերպ է ասվել, օգտագործված ուժերն արադարացնելու համար:
Թրամփի հայտարարության մեջ, միջազգային իրավունքին եւ էթիկային դիմելը ոչ այլ ինչ է, քան նրա անձնական վրդդովմունքի արտահայտություն:
«Ամենավտանգավորն այն է, որ, այդ հաղորդագրությունը կարող է ինչպես դիտավորյալ, այնպես էլ բնազդաբար կարդացվել Մոսկվայում՝ որպես անզիջում կանխամտածված սպառնալիք, եթե ռուսական զորքերը Սիրիայում ամերիկյան ավիահարվածների պատճառով կորուստներ կրեն»,- գրում է նա:
Հեղինակը կարծում է, որ այսպիսով Թրամփի պատասխանը ընդլայնեց ճգնաժամի մասշտաբը՝ միջազգային հանրության մտահոգությունից՝ այն կապակցությամբ, որ Մոսկվան պաշտպանում է Ասադին, մինչեւ ՌԴ-ի հետ պատերազմելու հնարավորության ակնարկ:
Այս իրավիճակը, նրա կարծիքով, անուղղակիորեն նպաստում է Պուտինի եւ Թրամփի մրցակցությանը, որոնց նա անվանում է «նեղացկոտ պոպուլիստական ազգայնականներ», որոնք խոստացել են նորից իրենց երկրները հզոր դարձնել, ինչպես նաեւ «փխրուն էգոյով տղամարդիկ»: