Ռուսաստանը սկսել է ԱՄՆ-ի հետ շփվել Սիրիայում տիրող իրավիճակի կապակցությամբ: Այս մասին հաղորդում է ՏԱՍՍ- ը՝ հղում կատարելով ապրիլի 11-ին Պետական Դումայի պաշտպանության հարցերով կոմիտեի նախագահ Վլադիմիր Շամանովի հայտարարությանը:
«Ուղիղ երկխոսություն է անցկացվում ԱՄՆ-ի Շտաբերի (Զինված ուժերի) ղեկավարների կոմիտեի հետ: Մեր դաշնակիցների, թուրք գործընկերների միջոցով, հաղորդակցման ուղիները ստուգվում եւ հստակեցվում են ՆԱՏՕ-ի հետ», - ասել է նա:
Ապրիլի 6-ի երեկոյան սիրիական զորքերը սկսել են Դումա քաղաքի ազատագրման գործողությունը: Այն Արեւելյան Գուտայի՝ Բաշար Ասադի ուժերին չենթարկվող վերջին բնակավայրն է:
Այս տարածաշրջանը գտնվում է Դամասկոսի մոտակայքում:
