Դուբայում մեքենաների թվային գրանցման նշաններ կարող են հայտնվել, որոնք նախատեսված են ճանապարհային միջավայրի բարելավման համար: Նշանների փորձարկման նախագիծը գործարկում է տեղական Տրանսպորտի նախարարությունը, հայտնում է Autonews-ը:
«Խելացի» համարանշանները հագեցված են թվային էկրանով, GPS-ով եւ ռադիոհաղորդիչներով: Ենթադրվում է, որ նման սարքավորումների օգնությամբ վարորդները վթարի դեպքում կկարողանան արագ արտակարգ ծառայությունների հետ կապվել, ինչպես նաեւ երթեւեկության մասնակիցների հետ օգտակար տեղեկություններով փոխանակվել: Բացի այդ, սենսորները կօգնեն ոստիկանությանը գողացված ավտոմեքենաների որոնումների ժամանակ: