Սիրիայում իրավիճակի սրումը կարող է անսպասելի պատերազմի հանգեցնել: Ինչպես տեղեկացնում է ՌԲԿ-ն, այս մասին ասվում է «Ավագներ» կազմակերպության հայտարարության մեջ, որը հայտնվել է ՌԲԿ-ի տրամադրության տակ: Կազմակերպության կազմում են ՄԱԿ-ի նախկին գլխավոր քարտուղար Քոֆի Անանը, Ֆինլանդիայի նախկին նախագահ Մարտի Ախտիսաարին, ԱՄՆ նախկին նախագահ Ջիմի Քարթերը եւ մի շարք այլ քաղաքական գործիչներ:
«Սա չափազանց նուրբ պահ է, երբ բոլոր կողմերից սառը դատողություն եև սթափ հաշվարկ է պահանջվում: Պետք է խուսափել ռազմական գործողություններում շտապողականությունից:
Սա թույլ կտա մանրակրկիտ հետաքննություն անցկացնել Դումայում խաղաղ բնակիչների դեմ քիմիական զենք կիրառելու վերաբերյալ: Միայն այս պարագայում հնարավոր է խոսել, թե ով է պատասխանատու այդ իրավիճակի համար», - մեջբերվում է ՄԱԿ-ի նախկին գլխավոր քարտուղար Քոֆի Անանի խոսքը:
Սիրիայում ՄԱԿ-ի նախկին դեսպան Լախդար Բրահիմին հայտարարության մեջ նշել է, որ «իրական վտանգ կա, որ Սիրիայում կործանարար հակամարտությունը կարող է ավելի սրվել եւ նույնիսկ ընդլայնվել»: «Մենք բոլորս պետք է աջակցենք Միավորված ազգերի կազմակերպության ջանքերին` հակասությունները վերջ դնելու եւ չվերահսկվող պատերազմի բռնկումը կանխելու համար », - ասել է նա:
«Ավագներ» միջազգային կազմակերպությունը հիմնադրել են 2007 թվականին միլիարդատեր Ռիչարդ Բրենսոնը եւ Նելսոն Մանդելան: Այն ներառում է քաղաքական ղեկավարների, որոնք պետական պաշտոններ են զբաղեցրել, սակայն շարունակում են գործել աշխարհի շահերի շրջանակում: