Emirates ավիաընկերության նախագահ Թիմ Քլարքը հայտնել է, որ ավիաընկերությունում օդաչուների պակասի խնդիր կա, ինչի պատճառով ամռանն այն ստիպված կլինի կրճատել որոշ թռիչքներ, հաղորդում է «Կոմերսանտ»-ը:
Emirates-ին եւս 100-150 օդաչու է անհրաժեշտ: Ամենայն հավանականությամբ, ամռանն ավիաընկերությունը կկրճատի թռիչքների հաճախականությունը՝ ինչպես դեպի ԱՄՆ եւ Եվրոպա, այնպես էլ՝ ասիական երկրներ: Թիմ Քլարքի խոսքով՝ այս դեֆիցիտի հիմնական պատճառներից մեկն այն է, որ չինական ավիաընկերությունները խիստ շահեկան աշխատավարձերով առաջարկներ են անում օդաչուներին՝ նրանց գրավելով իրենց կողմը: Չինաստանի օդային փոխադրումների շուկան վերջին տարիներին շատ արագ աճում է, ինչի կապակցությամբ տեղական ավիաընկերություններին ավելի շատ օդաչուներ են անհրաժեշտ:
