Մոսկվայի Տագանսկի դատարանի դատավոր Յուլյա Սմոլինան բավարարել է «Ռոսկոմնադզորի» հայցը եւ վճռել Ռուսաստանի տարածքում Telegram մեսենջերն արգելափակել: Սմոլինան թույլ է տվել արգելափակումն անմիջապես սկսել՝ մինչեւ դատավճռի օրինական ուժի մեջ մտնելը, հայտնում է «Մեդիազոնան»:
Telegram-ի ներկայացուցիչնեը չէին ներկայացել ապրիլի 13-ի դատական նիստին, քանի որ մեսենջերի հիմնադիր Պավել Դուրովն իրավաբաններին արգելել էր մասնակցել «հրապարակային խեղկատակությանը»: Այդուհանդերձ, փաստաբանները դատարան միջնորդություն էին ուղարկել՝ նիստը հետաձգելու խնդրանքով, որը մերժվել էր:
Հայցի քննումն, ըստ էության, 20 րոպե է տեւել:
Telegram-ի արգելափակումը կապված է ԱԴԾ-ին օգտատերերի նամակագրության գաղտնագրման բանալիները փոխանցելու մեժման հետ: Telegram-ից հայտարարլ էին, որ դա անհնար է տեխնիկապես կատարել: Այսպիսով, «Յարովայի փաթեթի» խախտման համար նախկինում մեսենջերին տուգանել էին 800 հազար ռուբլով: