Անթալիայում օրեր առաջ վրացի «օրենքով գող» Գայոզ Զվիադաձեի (Գիա Քութաիսցի) սպանության գործով թուրքական ոստիկանությունը 6 կասկածյալի է ձերբակալել։

Թուրքական Hurriyet–ի փոխանցմամբ՝ Անթալիայի ոստիկանությունը Գայոզ Զվիադաձեի սպանության գործով ձերբակալություններ է իրականացրել։ Ձերբակալվածների մեջ են ազգությամբ ռուսներ, վրացիներ եւ հայ։

Ձերբակալվածները բժշկական ստուգումից հետո ներկայացվել են դատարան։

Նշենք, որ օրեր առաջ Անթալիայի Քեմեր քաղաքում զբոսնելու ժամանակ Գայոզ Զվիադաձեն ենթարկվել էր զինված հարձակման եւ տեղում մահացել։