Ռուսաստանը եւ Հոլանդիան մալազիական Boeing-ի աղետի վերաբերյալ երկխոսությունը կշարունակեն:
Ռուսաստանի արտգործնախարար Սերգեյ Լավրովը եւ իր հոլանդացի գործընկեր Ստեֆ Բլոկը համաձայնության են եկել 2014 թվականի ամռանը տեղի ունեցած մալազիական Boeing-ի կործանման հետաքննության շուրջ երկխոսությունը շարունակել: Այս մասին ասվում է Ռուսաստանի ԱԳՆ կայքում:
«Մենք պայմանավորվել ենք շարունակել զրույցը հարգելով մեր հոլանդացի գործընկերների հավաստիացումներն այն կառույցի անկախության մասին, որը զբաղվում է այդ հետաքննությամբ», - ասել է Լավրովը:
Կողմերը նշել են, որ անհրաժեշտ է իրականացնել ՄԱԿ-ի Անվտանգության խորհրդի 2166 բանաձեւը, որը պահանջում է ՄԱԿ-ի Անվտանգության խորհրդին պարբերական տեղեկատվություն հաղորդել այն մասին, թե ինչպես է ընթանում հետաքննությունը:
2014 թվականի հուլիսի 17-ին Malaysia Airlines ավիաընկերության Boeing-777-ը (թռիչք MN-17) վթարի ենթարկվեց: Վթարի արդյունքում 298 մարդ զոհվեց: Ինքնաթիռը թռչում էր Ամստերդամից Կուալա Լումպուր: