Ռուսաստանն ԱՄՆ-ին, Ֆրանսիային եւ Մեծ Բրիտանիային կոչ է անում աշխարհին ծայրահեղ վիճակի չհասցնել եւ խաղաղ ելք փնտրել Սիրիայի իրավիճակի համար: Այդ մասին հայտարարել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան, հաղորդում է «ՌԻԱ Նովոստին»:
«Իրադարձությունները զարգանում են վտանգավոր սցենարով, որը հղի է համընդհանուր անվտանգության համար խորացող հեռանկարներով: Այս դեպքում ամբողջ պատասխանատվությունը կընկնի ԱՄՆ-ի եւ նրա դաշնակիցների վրա: Ցավալի է, որ հին Եվրոպան շարունակում է կորցնել իր դեմքը», - ասել է նա` ելույթ ունենալով ՄԱԿ-ի Անվտանգության խորհրդի նիստում:
Նեբենզյան ասում է, որ Ռուսաստանը կոչ է անում ԱՄՆ ղեկավարությանը եւ նրա դաշնակիցներին, մասնավորապես Ֆրանսիային եւ Մեծ Բրիտանիային, «անհապաղ խելքի գալ, վերադառնալ միջազգային իրավական դաշտ եւ աշխարհին ծայրահեղ վիճակի չհասցնել»:
