Իտալիայի հյուսիսում հնագետները հայտնաբերել են անսովոր գտածո՝ տղամարդու կմախք, որի ձեռքի փոխարեն դանակ է եղել: Այս մասին հաղորդում է Sciencealert-ը:
Գիտնականները կարծում են, որ կմախքը մեր թվարկության VI-VIII դարերին է վերաբերվում: Մահվան պահին տղամարդը, հավանաբար, եղել է 40-50 տարեկան: Նրա աջ ձեռքը հեռացվել է եւ դրա փոխարեն դանակով պրոթեզ են տեղադրել:
«Հնարավոր է, որ վերջույթը բժշկական ցուցմունքներով են հեռացրել կամ տղամարդն այն կոտրել է ընկնելու ժամանակ», - ենթադրել է հնագետ Իլյանա Միկարելլին: